مقالب شباب شوفو ايش سوت ...

كلنا نحب نسوي مقالب في اصحابنا وفي اللي نحبهم ....
بس يكون المقلب حلو لمن يكون على قد الشخص اللي بدنا نعمل فيه مقلب مش يروح فيها
انا قرئتها في رساله وحبيت انقلها لاحلى منتدي ...
بس انا ماراح اكتبها كده بس...
انا بدي اكتبها عشان نتعلم منها ونشوف المساكين ايش سار فيهم .. طيب يللا
المقلب الاول :
كان في مجموعة شباب وطلعين رحله للبر (البر : هومكان يشبه الصحراء)المهم اتفقو يسوو مقلب في صاحبهم (الخواف)
واتفقو انو يحطو واحد في حفره المهم حفرو حفره كبيره ودخلو فيها صاحبهم ومابقي غير راسو بس وجسمه كلو مدفون وجابو قدر وغطو راسو وراحو قالو لصاحبهم روح جيب لينا القدر اللي هناك والمسكين راح وشال القدر واتصدم منم اللي شافه ورمى
القدر زي ماكان وطبعا اغمى عليه وخافو اصحابه و راحو يودوه المستشفى المهم نسيو صاحبهم اللي في الحفره فافتكروه في المستشفى وراحوعنده وعبال ماراحو مــــــــــــــــــــــــــات الولد ورجعو المستشفى ولقو التاني مات كمان
شوفتو ايش استفادو من المقلب راحو اتنين ضحايا ...
الله يرحمهم ... ويصلح الشباب



المقلب التاني :
في شلة شباب رايحين الطائف (الطائف : مدينه جبليه موجوده في المملكه العربيه السعوديه ) وجابو صبر: فاكهه كلها اشواك حاده من بره <صبار شوكي>) من المزرعه طازه ومعاهم واحد مايعرف الصبر
الانذال سوو فيه مقلب مستغلين طيبته سالهم :كيف اقشره ؟ قالو بيدك والمسكين طارت الاشواك في يدو و وجهو وجلس يصرخ من الالم وقالولو اصحابو المخلصين افرك يدك في البنطلون يروح الالم والمسكين زاد الالم وحمرت يدو واتنفخت
واخيرا كسر خاطرهم وحطولو ثلج في يدوعشان يبرد عليه ... بصراحه مقلب الييييييييييم



المقلب الثالت :
مجموعة شباب (عزابيه) كانو ساكنين مع بعض وكانو في نفس العمل وواحد منهم مايحب يسهر كان ينام بدري وهم باقي اصحابه يحبو
السهر وهوه لمن ينام كان يحط يده على خده فقامو جابو الصمغ وحطوه على يدو ولمن صحي لقى يدو لاصقه فراح المستشفى وسوا عمليتين الاولى : لفك يدو والثانيه : عملية تجميل لخدو ...


المقلب الرابع :
‏مجموعه شباب طالعين للبر معاهم واحد (خوااااااااااف) وبدهم يسوو فيه مقلب لمن جا وقت النوم حطو في الشرشف عقرب (لعبه يتحرك).. ولمن جا ينام قرصو واحد من الشباب في رجلو وصرخ الخواف :ااااااااااااااااااااااه ايش هذا ؟؟؟
قالوا اصحابه...ياويلك ‏يافلاان عقرب قرصك وحتموتك..
وصدق المسكين وقال:ااااااااه السم بدأيسري بجسمي..قالوا ‏يالله للمستشفى قبل لا تموت...
وهو يصرخ اااااااااه ااااااااه السم وصل نص ‏سااااااااااااقي ( كداااااااااااااب )ولمن وصلو لنص الطريق
قال:اااااااااه السم ‏وصل نص بطني(كذووووووووووب) وهم يقولون له تصبر تصبر ....
ويوم وصلوا الشله للمستشفى ‏وهوا يصيح...يا شباااب ساعدوني انا بأموت..اشهد ان لا اله الا الله..وان محمد رسول ‏الله..
وفي هذي اللحظة..ماقدروا الشبااب يكتموون ضحكاتهم وهم يقولون له :قم يانصااب ‏مافيك الا العافيه.. سوينا فيك مقلب
ههههههههههههههههه